जेव्हापासून अमेरिका, ब्रिटनने अफगाणिस्तानातून आपले सैन्य मागे घेतले आहे, तेव्हापासून तेथील परिस्थिती बिघडू लागली आहे. आता या देशात जगण्यासाठी लोक आपली किडनी विकत आहेत. गरिबीची परिस्थिती अशी आहे की इथे लोक आपली किडनी कवडीमोल भावात विकत आहेत. ऑगस्ट २०२१ पासून तालिबानने अफगाणिस्तानात कहर करायला सुरुवात केली. आता तर लोकांवर उपासमारीची वेळ आली आहे.
अफगाणिस्तानच्या स्थानिक लोकांनी सांगितले की, वीस वर्षांनंतर अशी परिस्थिती निर्माण झाली आहे की लोकांना खाण्यापिण्याची कमतरता आहे. अवघ्या काही महिन्यांत लोकांना पैशासाठी शरीराचे अवयव विकावे लागतील अशी परिस्थिती निर्माण झाली आहे. द मिररच्या वृत्तानुसार, काही काळापूर्वी अफगाणिस्तानातील महिलांनी पैशासाठी आपली मुले विकल्याच्या बातम्याही समोर आल्या होत्या.
माहिती देताना अफगाणिस्तानातील यूरोलॉजिस्ट आणि किडनी ट्रान्सप्लांट सर्जन डॉ. नसीर अहमद यांनी सांगितले की, त्यांनी स्वतः गेल्या १२ महिन्यांत ८५ किडनी काढल्या आहेत. येथे एक किडनी साडेचार लाख रुपयांना विकली जाते. यामध्ये रुग्णालयाचा खर्च, औषधे आणि ऑपरेशनचे शुल्क समाविष्ट आहे. डॉ अहमद म्हणाले की, किडनी विकणे तुमच्या जीवाला धोका आहे. पैशाअभावी किडनी विकल्यानंतर लोकांना बराच काळ त्रास सहन करावा लागतो.
अफगाणिस्तानमध्ये किडनी दान करण्याची संस्कृती नाही. इथे किडनी विकण्याची संस्कृती आहे. गरीब लोक काही पैशांसाठी किडनी विकण्यास सहमत आहेत. पैशांच्या कमतरतेमुळे किडनी विकल्याच्या वृत्तावर तालिबानने स्पष्ट केले की ते लोकांमध्ये रेशनचे वितरण करत आहेत. त्याचवेळी, संयुक्त राष्ट्राने सांगितले की, ते अफगाणांना करोडोंची मदतही देत आहेत. सुमारे 40 हजार कामगारांना दररोज 10 किलो गहू दिला जात आहे. यानंतरही लोक पैशासाठी किडनी विकत आहेत.
वर्षापूर्वी पृथ्वीवर आलेले एलियन, अंटार्क्टिकामध्ये वास्तव्य करीत आहेत असं सांगितलं जात आहे…
